Panchayat:Repo18/vol1-page0280

235 എൽ. കെട്ടിടസ്ഥാനത്തിന്റെ അംഗീകാരമോ കെട്ടിടം നിർമ്മിക്കുകയോ പുനർ നിർമ്മിക്കുകയോ ചെയ്യുന്നതിനുള്ള അനുവാദമോ ഏതു കാരണങ്ങളിൻമേൽ നിരസിക്കാമെന്ന്.-(1) ഒരു കെട്ടിടം നിർമ്മിക്കുകയോ പുനർ നിർമ്മിക്കുകയോ ചെയ്യുന്നതിനുള്ള സ്ഥാനത്തിന്റെ അംഗീകാരമോ കെട്ടിടം നിർമ്മിക്കുന്നതിനോ പുനർനിർമ്മിക്കുന്നതിനോ ഉള്ള അനുവാദമോ ഏതു കാരണങ്ങളിൻമേൽ നിരസിക്കാമോ ആ കാരണങ്ങൾ താഴെപ്പറയുന്നവയാണ്, അതായത്:-

(i) പണിയോ, പണിക്കുവേണ്ടിയുള്ള സ്ഥാനത്തിന്റെ ഉപയോഗമോ അഥവാ സൈറ്റ് പ്ലാനിലോ, ഗ്രൗണ്ട് പ്ലാനിലോ, എലിവേഷനിലോ (Elevation) പാർശ്വപടങ്ങളിലോ പ്രത്യേക വിവരണങ്ങളിലോ ഉൾക്കൊള്ളുന്ന ഏതെങ്കിലും വിവരങ്ങളോ ഏതെങ്കിലും നിയമത്തിലെയോ, ഏതെങ്കിലും നിയമപ്രകാരം ഉണ്ടാക്കിയിട്ടുള്ള ഏതെങ്കിലും ഉത്തരവിനോ ചട്ടത്തിനോ പ്രഖ്യാപനത്തിനോ ബൈലായ്തക്കോ വിരുദ്ധമായിരിക്കുക;

(ii) ആ അനുവാദത്തിനുവേണ്ടിയുള്ള അപേക്ഷയിൽ ഈ ആക്റ്റിൻ കീഴിൽ ഉണ്ടാക്കിയ ഏതെങ്കിലും ചട്ടങ്ങളിലോ ബൈലാകളിലോ ആവശ്യപ്പെട്ട വിവരങ്ങൾ ഇല്ലാതിരിക്കുകയോ അത് ആ വിധത്തിൽ തയ്യാറാക്കാതിരിക്കുകയോ ചെയ്യുക;

(iii) 235 എഫ് വകുപ്പിൽ പറഞ്ഞ ഏതെങ്കിലും രേഖയിൽ ഈ ആക്റ്റിൻകീഴിൽ ഉണ്ടാ ക്കിയ ചട്ടങ്ങളിലോ ബൈലാകളിലോ ആവശ്യപ്പെട്ടവിധം ഒപ്പുവച്ചിട്ടില്ലാതിരിക്കുക

(iv) ഈ ആക്റ്റിൻകീഴിൽ ഉണ്ടാക്കിയ ചട്ടങ്ങളോ ബൈലാകളോ പ്രകാരം സെക്രട്ടറി ആവശ്യപ്പെട്ടിട്ടുള്ള ഏതെങ്കിലും വിവരമോ രേഖയോ യഥാവിധി നൽകിയിട്ടില്ലാതിരിക്കുക;

(v) ഉദ്ദിഷ്ട കെട്ടിടം സർക്കാരിന്റെയോ ഗ്രാമപഞ്ചായത്തിന്റെയോ ഭൂമിയിൻമേൽ ഉള്ള ഒരു കയ്യേറ്റമായിരിക്കുക; അല്ലെങ്കിൽ

(vi) ഭൂമി വിലയ്ക്കെടുക്കൽ നടപടികളിൽപ്പെട്ടതായിരിക്കുക. 

(2) കെട്ടിടത്തിനുള്ള സ്ഥാനം അംഗീകരിക്കുവാനോ കെട്ടിടം നിർമ്മിക്കുവാനോ പുനർ നിർമ്മിക്കുവാനോ ഉള്ള അനുവാദത്തിനോ വേണ്ടിയുള്ള യാതൊരു അപേക്ഷയും വിസമ്മതിക്കുന്നതിനുള്ള കാരണങ്ങൾ പറയാതെ നിരസിക്കുവാൻ പാടുള്ളതല്ല. 235 എം. അനുവാദം കാലഹരണപ്പെട്ടുപോകൽ.-നിർദ്ദിഷ്ട കാലത്തിനുള്ളിൽ ഏതെങ്കിലും കെട്ടിടത്തിന്റെ നിർമ്മാണമോ പുനർനിമ്മാണമോ പൂർത്തിയാക്കാത്തിടത്ത്, നിർദ്ദിഷ്ടകാലം അവസാനിക്കുന്നതിനു മുൻപ്, സമയം നീട്ടിക്കിട്ടുന്നതിനുള്ള ഒരപേക്ഷ ബോധിപ്പിക്കാത്തപക്ഷം, അനുവാദം കാലഹരണപ്പെട്ടുപോകുന്നതാണ്.

235.എൻ. പണിയിൽ മാറ്റം വരുത്താൻ ആവശ്യപ്പെടുന്നതിന് സെക്രട്ടറിക്കുള്ള അധികാരം.-(1) ഒരു പണി

(എ) അംഗീകരിക്കപ്പെട്ട പ്ലാനുകൾക്കോ വിവരങ്ങൾക്കോ അനുസൃതമായിട്ടല്ലെന്നോ;

(ബി) ഈ ആക്റ്റിലെയോ അതിൻകീഴിൽ ഉണ്ടാക്കിയ ഏതെങ്കിലും ചട്ടത്തിലെയോ ബൈലായിലെയോ ഉത്തരവിലെയോ പ്രഖ്യാപനത്തിലെയോ വ്യവസ്ഥകൾക്ക് വിരുദ്ധമായിട്ടുള്ളതാണെന്നോ,

സെക്രട്ടറിയുടെ ശ്രദ്ധയിൽ വന്നാൽ, അദ്ദേഹത്തിന് നോട്ടീസുമൂലം അങ്ങനെയുള്ള പണി ആർക്കുവേണ്ടിയാണോ ചെയ്യുന്നത്, അയാളോട് നോട്ടീസിൽ നിർദ്ദേശിക്കുന്ന കാലാവധിക്കുള്ളിൽ (1) ആ പണി മേൽപ്പറഞ്ഞ അംഗീകരിക്കപ്പെട്ട പ്ലാനുകൾക്കോ വിവരണങ്ങൾക്കോ അല്ലെങ്കിൽ അപ്രകാരം ലംഘിക്കപ്പെട്ട വ്യവസ്ഥകൾക്കോ അനുസൃതമാക്കിത്തീർക്കുന്നതിനായി പ്രസ്തുത നോട്ടീസിൽ നിർദ്ദേശിക്കുന്ന മാറ്റങ്ങൾ വരുത്തുവാനോ,

(ii) അങ്ങനെയുള്ള മാറ്റങ്ങൾ എന്തുകൊണ്ടു വരുത്തിക്കൂടാ എന്നുള്ളതിനു കാരണം കാണിക്കുവാനോ, ആവശ്യപ്പെടാവുന്നതാണ്.